Кватэру, дзе была зарэгістраваная Аляксандра Герасіменя, у Беларусі завочна асуджаная, прадаюць з аўкцыёну.
У Менску 19 жніўня плянаваліся таргі за чатырохпакаёвую кватэру, у якой мела рэгістрацыю спартоўка Аляксандра Герасіменя. Аднак аўкцыён не адбыўся.
Прычына — не знайшлося ахвочых набыць гэтую нерухомасьць. Аб’яву разьмяшчалі на сайце «БелЮрЗабесьпячэньне».
Кватэра Аляксандры Герасімені
4-пакаёвую кватэру, дзе была зарэгістраваная алімпійская прызэрка Аляксандра Герасіменя зь сямʼёй, улады выставілі на таргі.
Паводле спартоўкі, кватэра належала ня ёй, а ейнаму сваяку, але была арыштаваная разам зь іншай маёмасьцю яшчэ ў 2022 годзе, калі Герасіменю завочна асудзілі.
Тады спартоўцаў Аляксандру Герасіменю і Аляксандра Апейкіна асудзілі на 12 гадоў турмы з канфіскацыяй маёмасьці і буйнымі штрафамі.
Аляксандра Герасіменя знаходзіцца за мяжой.
ГЛЯДЗІЦЕ ТАКСАМА: Засакрэчаныя прысуды, запалоханыя адвакаты. Як у Беларусі праходзяць суды над тымі, хто пасьпеў зьехаць за мяжу