У афіцыйным паведамленьні адзначаецца, што пропуск аўтамабіляў і фізычных асобаў спынілі часова з 11:30 19 жніўня.
«Часовае спыненьне афармленьня зьвязана з наладжваньнем праграмнага забесьпячэньня. Аб часе завяршэньня работ паведамім дадаткова», — адзначаецца ў паведамленьні.
Пасьля абеду стала вядома пра аднаўленьне працы пераходу, паводле афіцыйных зьвестак, ён быў закрыты з 11:30 да 14:15.
Як вынікае з афіцыйных зьвестак памежнага камітэту, на 12.00 выезду ў Літву з Каменнага Логу чакалі 340 грузавікоў і 110 легкавых аўтамабіляў.
Апошнія некалькі дзён на мяжы Беларусі з краінамі Эўразьвязу зафіксавана рэкордная колькасьць транспартных сродкаў, якія стаяць у чарзе на выезд. На 12.00 гадзін 19 жніўня ў чарзе стаялі 6 157 грузавікоў, легкавых аўтамабіляў і пасажырскіх аўтобусаў. Найбольш транспартных сродкаў — 4 957 — стаяць на мяжы з Польшчай, у тым ліку 4620 легкавых аўтамабіляў, 180 грузавікоў і 157 аўтобусаў.
Форум